Blanc duhtu Thiago Motta

French Ligue 1 champion Paris Saint-Germain chuan an coach Laurent Blanc thlak turin Sevilla boss Unai Emery an la lut dawn nia sawi mek a ni. PSG midfielder Thiago Motta chuan an coach hi kalchhuak lo turin a duh hle.

France manger Blanc kaihhruaina hnuaiah PSG hian tun hnaiah a zawnin league title pathum an la a, season hnih liam ta chhung khan nomawi pariat ngawt an chawi hman. Mahse, club neitu lamin an duh leh beisei Champions League-ah erawh season li chhung chu quarterfinal an pal-tlang thei lo tawh.

Hetiang a nih avang hian PSG thuneitu lam chuan a zawna Europe League champion vawi thum ni thei Spanish coach Emery hi Europe-a hlawhtlin pui turin an it niin a lang.

An manager ban theih dinhmuna a ding chu mak a tih thu sawiin Motta chuan, "Euro 2016 khelin hun kan hmang mek a, club lamah rilru kan sawrbing hman lo. Chutih rual chuan Balnc ban a ni dawn tih thawm awm reng hi a mak ka ti hle. Tun hnai season hnih chhung a kaihhruaina hnuaiah PSG hian nomawi pariat ngawt kan chawi a, ani hi he club-in a mamawh chu a ni," tiin a sawi.

Italy international Motta hian Euro 2016-a an match hmasa bera Belgium 2-0 a an hneh ṭumin an goal hnihna a khung a ni.