Wilshere-a'n beisei a nei sang

Ningani zanah Eng-land leh Wales an inhmachhawn dawn a, British Derby hi khelh a nih hma hauhin a thawm a ring nghal hle. England midfielder Jack Wilshere chuan, "Russia lakah hnehna kan chang zo lo a, tunah chuan a ṭha lam chauh ngaihtuaha rilru kan sen a ngai," a ti.

Arsenal midfielder chuan sawi chhunzawmin, "Wales kan hmachhawn hunah ball chan tam zawk kan tum a pawimawh a, na thei ang bera goal nawrin kan khingpuite tan hna harsa kan siamsak tur a ni," tiin a ṭhiante chu a fuih.

Russia nen an inhma-chhawn ṭuma second half-a Wayne Roo-ney thlaktu midfielder chuan, "Training-naah kan bei nasa a, players zawng zawngin hmun chan ngei tumin theihtawp kan chhuah a ni. Kan training anga kan khelh a, goal kan khung phawt chuan kan chak ang," tiin training-na anga khelhchhuah a pawimawh thu a sawi.

Hliam damkawr chunga Euro 2016 khel mid-fielder hian an khelh dan chu a la duh khawp lo a, hma an sawn nasat thu sawi nghalin, "Kan khelh dan enin tun hma aiin kan ṭha zawk tih inhmu ang, kan kal zel theih nan tuna kan khelh dan hian kan khel reng tur a ni," tiin Wales lakah chak theih a inbeisei hle.