Ngaihven hlawh Russia vs Slovakia

Zanin dar 6:30-ah Slo-vakia leh Russia an inkhel dawn a, England leh Russia inkhelh ṭuma fan-te boruak sang tak avangin he inkhel tur hian ngaihven a hlawh hle.

Russia leh England 1-1 a an inhnehtawk hmain ram pahnih fan-te an intibuai a, inkhelh zawh hnuah pawh Russian fan-ten England fan-te awmna panin buaina nasa tak a chhuak.

Europe-a football thuneitu sang ber UEFA chuan Russia chu Euro khelh mekah an fan-ten buaina an siam leh a nih chuan Euro 2016 aṭanga paih chhuah an nih tur thu an hriattir a, £119,000 (Rs. 1,13,20,176) chawi turin an ti bawk.Russia lam hian an duh chuan hrem an nihna hi an khinglet thei ang. Nimin khan Russia fans 29 chu an ramah thawn haw an ni a, buaina chhuah chhanah hian French police te chuan a bik taka training pek Russian hooligans 150 an puh.

Slovakia-in an match hmasa berah Wales chu 2-1 in an hneh lo a, mah se Martin Skrtel captain-na hnuaia khel Slovakia hian October 2013 hnuah a zawna tlawm hmel an la hmuh loh avangin Russia lakah an record duhawm chhawm nun an tum ang.

Russia-in an match hma-sa berah vanneihthlak takin England chu hun pek belha Vasili Berezutski goal hmang-in an inhnehtawkpui a, zan-i-n-ah Slovakia laka chak an tum a nih chuan insiamṭhat an mamawh. Russia tan midfielder Denis Glushakov inhliam a dam tawh a, coach Leonid Slutsky-a'n duhthlan tur a ngah sawt dawn tihna a ni.

Wales nen an inhma-chhawn ṭumin Slovakia playmaker Marek Hamsik-a'n Wales tlarhnung ropui taka a ṭhiah hnuah a pet goal ngei tur nia ngaih chu goal line
aṭangin Ben Davies-a'n a lo pet chhuak hman a, Napoli player langsar hi Russia tlar-hnung tan buaipui tham a ni ang.

Russia leh Slovakia hi Euro 2016 khel tur zawn-na qualifying-ah an lo in-hmachhawn tawh a, 1-0 ve vein team pahnih hi an chak - zaninah pawh an inngam tawk leh hlein a rinawm.