Champions League final duhthusam French Champion Vs German Champion

Aizawl Lockdown vangin Aizawl mipui kan inkhung a, Mizoram hmun danga awmte pawh Covid-19 vangin rilru a pik - Mizo mipuiten hawi thawvenna an mamawh. Football ngainatute tan rilru lak penna ṭha tak a awm a, chu chu Pathianni zan dar 12:30-a khelh tur Champions League final hi a ni a, Paris Saint-Germain leh Bayern Munich te an inkhel ang.

Lisbon-a European champion zawng turte hi France football roreltu leh German football thununtu an ni a, kumin bik atan chuan final duhthusam tia sawi theih a ni. PSG hian sum tam tak sengin Neymar leh Kylian Mbappe te an lalut a, Bayern hian Robert Lewandowski leh Thomas Muller te an kawl ve bawk. 

Football thlirna aṭang chuan French club leh German club-te hi Covid-19 vanneihpuitute an ni. February thla tawp Ligue 1 tihtawp a ni a, PSG-in Champions League atana inpuahchahna hun ṭha an nei. French club hi March 11-a Borussia Dortmund nen second leg an khelh hnu khan an awl vang vang a, August 12-ah Atalanta nen an inkhel leh chauh.

PSG vanneihna belhchhahtu erawh fixture a ni a, quarterfinal china an hmachhawn theih zingah Champions League-a nomawi chawi tawh an awm lo. French club hian UCL champion chu sawi loh final em pawh la lut lo mah se an squad a chhah avangin fixtures a awm meuh chuan final an thlen a rinawm sa hrim hrim.

Germany-a football thuneituten thutlukna huaisen an siam a, Covid-19 vanga buaina awm hnuah inelna an ṭan leh hmasa ber. A vanneihpuitu chu Bayern Munich an ni a, June 27 khan Bundesliga khel zoin July 7-ah DFB-Pokal final-ah Bayer Leverkusen an hneh. Bavarians hian UCL atana inpuahchahna hun ṭha an nei a, hahdamna hun an neih avangin inelna ṭan hmain friendly match an khel leh 

tawh zawk.

PSG-in final an thlen theihna chhan chu sum an hman tam vang a ni a, Neymar (£200m) leh Mbappe (£162m) te an chang thei erawh an vannei tel bawk. French champion squad pumpui man hi pound maktaduai 703.6 a ni a, semifinal-a an starting XI te man ringawt pawh £540.1m a ni a, a theuneu lo hle.

Bayern erawhin awmze neiin sum an hmang a tih theih a, an squad pumpui hi pound maktaduai 330-a chhut a ni a, semifinal-a bul ṭantute man kha £90.1m chauh a ni. Chutihrualin Dortmund aṭanga Lewandowski a thlawna an lalut thei leh an academy chhuak Muller an kawl avangin sum an hmang tlem a tih theih a, German club ṭha ber an nih avangin man man takin player an senglut 

ṭhin bawk.

PSG-in tlarhmaah Neymar, Mbappe leh Di Maria te an kawl a, bench-ah Mauro Icardi an kawl bawk avangin Edison Cavani-a'n contract a pawtsei lo kha a mak lo. Tuchel-a'n a mamawh tawk a nei a, club dang neih loh ṭha ṭha a neih tawh avangin Uruguayan striker hi chelh kher a ṭul lo ang.

Mbappe leh Di Maria te tlan chakna ringawt hi khingpuite tlarhnung tan hnawksak tham a tling a, thiamna lamah mi chunga leng an nih bawk avangin dan harsa tur an ni. Neymar hi a kawppuite aiin a la thiam zawk a, a ṭul hunah uar takin a tlu thei lehzel nen Bavarians tlarhnung pawp sa tan chuan chelh an harsa dawn.

Chutihrualin PSG midfield hi chhuanawm taka sawi tur a ni lo a, player mala lak pawha ber kai an ni pha lo. Amaehrawhchu Marquinhos hian match hnuhnung pahnihah a zawnin goal a khung a, an player neih ṭhat ber Marco Veratti pawh semifinal-ah bench aṭangin a lut leh tawh a, final-ah bul a ṭan leh thei tawh ang. 

Italian midfielder Verrati a awm chuan PSG midfield an ṭha sawt dawn tiin a sawi theih a, Pablo Sarabia leh Julian Draxler te bench-ah an ṭhuttir ṭhin bawk avangin an ṭha thawkhat tih erawh a chiang hle. Tlarhnung lamah PSG an nem lehzual - final-ah inhliam vangin first keeper Keylor Navas a khel thei dawn lo. Spanish keeper Sergio Rico tan vanneihna a ni.

Kum 26 mi Rico hian Europa League-ah Sevilla a champion pui tawh a, Spanish club-ah khelhna hmun sawhnghet thei lo mah se tun ṭumah hian a tawnhriat neih tawh hi a ṭangkai ang. PSG tlarhnung hi kum 35 mi Thiago Silva-a'n a la ho a, Bayern-in pressure an pek nat chuan an ngaihtuahawm hle.

PSG khingpui tur Bayern pawh tlarhma lama an ṭha a, tlarhnung lam a nem. Chutihrualin Hansi Flick-a'n goal venhim aiin goal khung a ngaih pawimawh zawk vangah a ngaih theih. Keeper bik chauh thur chhuah ralah phei chuan Manuel Neuer aia ṭha khawvelah an awm chuang lo a, German keeper hi pressure pek nat poh leh nuam a ti tulh tulh emaw tih mai tur a ni.

Amaherawhchu Neuer hmaa ding Jerome Boateng leh defence laia pawhluh chawp David  Alaba te tan PSG tlarhma dan a huphurhawm dawn a, Alphonso Davies leh Joshua Kimmich ten mual sir aṭanga duh tawka an nawr a nih chuan PSG-in vuak letna tur an nei dawn tihna a ni thei ang. Hansi Flick-a tan tlarhnung tih phui dan tur ngaihtuah a ngai a, midfield thlengin a siksawi thei bawk.

Match hnuhnung pahnihah Ivan Perisic a khel ṭha a, chutihrualin tlan chak kawngah Kingsley Coman a pha lo. French winger Coman hian final-a bul a ṭan thut a nih pawhin goal nawr na tur ngawr ngawr ni loin PSG forward te veng pah tur a ni thei dawn. Semifinal-ah inhliam vangin Boateng lakchhuah a ni a, a thlakna tur chu Niklas Sule a ni a, Hoffenheim defender hlui hian 'match fitness' a nei ṭha 

tawk lo.

Semifinal-ah Thiago-a'n ṭum dang a pha lo a, chutihrualin a tawnhriat neih ṭha tak avangin final khel atan chuan ani tluk an awm lo. Benjamin Pavard a dam tawh avangin Kimmich pawh a ṭul a nih chuan midfield-ah a dah let leh theih tawh dawn. Flick-a'n Barcelona an hmachhawn ṭumin Lionel Messi an thlur bing loh tur thu a sawi a, chumi awmzia chu Neymar an veng bik dawn lo. Bavarians hi an ṭhat dan bera an khel dawn a nih chuan goal an nawr dawn tihna a ni.

Lewandowski leh Muller ten season ṭha tak an hmang a, semifinal-a goal hnih khungtu Serge  Gnabry-a la awm. Bayern tlarhmain an wingback Davies leh Kimmich te puihna hmanga PSG an hmachhawn tur chu a en a châkawm tawh hle.

Group Stage

Paris St Germain hi group A-ah an awm a, Real Madrid nen vawi khat an inhnehtawk tih loh chu an khingpui an hneh vek. Group A hmahruaitu ni chungin knockout stage an lut a, goal 17 khungin goal hnih chiah an chhuah. French champion hian match ruk an khelh 

aṭangin vawi nga an clean sheet a, an record hi a chhuanawm hle.

Paris Saint-Germain    3 - 0    Real Madrid

PSG : Di María 14', 33'; Meunier 90+1'

Galatasaray    0 - 1    Paris Saint-

        Germain

PSG : Icardi 52

Club Brugge    0 - 5    Paris Saint-            Germain

PSG : Icardi 7'; Mbappé 61', 79', 83'; Icardi 63'

Paris Saint-Germain    1 - 0    Club Brugge

PSG :  Icardi 22'

Real Madrid    2 - 2    Paris Saint-            Germain

REA :  Benzema 17', 79'

PSG : Mbappé 81'; Sarabia 83'

Paris Saint-Germain    5 - 0    Galatasaray

PSG :  Icardi 32'; Sarabia 35'; Neymar 46'; Mbappé 63' Cavani 84' (P)

Round of 16

First leg : February 18, 2020

Borussia Dortmund    2 - 1    Paris Saint-            Germain

BOR : Haaland 69', 77'

PSG :  Neymar 75'

Second leg : March 11, 2020

Paris Saint-Germain    2 - 0 Borussia Dortmund

PSG :  Neymar 28; Juan Bernat 45+1'

Aggregate-ah PSG 3-2 in an chak

Quarterfinal : August 12, 2020

Atalanta    1 - 2    Paris Saint-Germain

ATA : Pasalic 27'

PSG :  Marquinhos 90'; Choupo-Moting 90+3'

Player Inlan : Navas (Rico 79'), Thiago Silva, Kimpembe, Kehrer, Marquinhos, Neymar, Bernat, Icardi (Choupo-Moting 79'), Sarabia (Mbappé 60'), Herrera (Draxler 72'), Gueye (Paredes 73')

Semifinal : August 18, 2020

RB Leipzig    0 - 3    Paris Saint-            Germain

PSG :  Marquinhos 13'; Di María 42'; Juan Bernat 57'

Player Inlan : Rico, Thiago Silva, Kimpembe, Kehrer, Marquinhos, Mbappé (Choupo-Moting 86'), Paredes (Draxler 83'), Neymar, Di María (Sarabia 86'), Bernat, Herrera (Verratti 83')

Group Stage

Bayern Munich hian Bundesliga-ah bul ṭan ṭha lo mah se Champions League-ah erawh bul an ṭan ṭha hle. Tottenham Hotspur, Olympiakos leh Red Star Belgrade nen awm hoin vawi rukah vawi ruk an chak a, chutihrualin goal an nga an chhuah. German club tlarhnung a phui lo a, vawi thum chauh an clean sheet. 

Bayern Munich 3 - 0 Red Star Belgrade

FCB : Coman 34'; Lewandowski 80'; 

Müller 90+1'

Tottenham Hotspur    2 - 7    Bayern Munich

TOT : Son 12'; Kane 61' (P) 

FCB : Kimmich 15'; Lewandowski 45'; Gnabry 53', 55', 83', 88'; Lewandowski 87'; Gnabry 88'

Olympiacos FC 2 - 3 Bayern Munich

OLY : El Arabi 23'; Guilherme 79'

FCB : Lewandowski 34', 62'; Tolisso 75'

Bayern Munich    2 - 0    Olympiacos FC

FCB : Lewandowski 69'; Ivan Perisic 89'

Red Star Belgrade    0 - 6    Bayern Munich

FCB : Goretzka 14'; Lewandowski 53 (P), 60', 64',68'; Tolisso 89'

Bayern Munich    3 - 1    Tottenham             Hotspur

FCB : Coman 14'; Müller 45'; Coutinho 64'

TOT : Sessegnon 20'

Round of 16

Leg 1 : February 20, 2020

Chelsea FC    0 - 3    Bayern Munich

FCB : Gnabry 51'; Gnabry 54'; Lewandowski 76'

Leg 2 : August 8, 2020

Bayern Munich    4 - 1    Chelsea FC

FCB : Lewandowski 10' (P); Ivan Perisic 24'; Tolisso 76'; Lewandowski 84'

CFC : Abraham 44'

Quarterfinal : August 14, 2020

Barcelona    2 - 8    Bayern Munich

BAR  : Alaba 7' (og); Luis Suárez 57'

FCB :  Muller 4', 31'; Ivan Perisic 22'; Gnabry 27'; Kimmich 63'; Lewandowski 82'; Coutinho 85', 89'

Player Inlan : Neuer, Thiago Alcántara, Lewandowski, Ivan Perisic (Coman 67'), Boateng (Sule 76'), Goretzka (Tolisso 83'), Davies (Hernández 83'), Gnabry (Coutinho 76'), Müller, Alaba, Kimmich

Semifinal : August 19, 2020

Lyon    0 - 3    Bayern Munich

FCB : Gnabry 18', 33'; Lewandowski 88'

Player Inlan : Neuer, Thiago Alcántara (Tolisso 82'), Lewandowski, Ivan Perisic (Coman 63'), Boateng (Sule 46'), Goretzka (Pavard 82'), Davies, Gnabry (Coutinho 75'), Müller, Alaba, Kimmich