AIFF Futsal Club C'ship-ah Mizo an langsar

AIFF Futsal Club Championship 2024 final chu July 7, Pathianni khan Gujarat,-ah khelh a ni a, Corbett FC chuan Golazo FC 3-2 a hnehin an champion. Electric Veng tlangval Lalsangkima chu best player-a thlan a ni a, Golazo FC tan a khel. Final-a goal hnih khungtu Sihphir Venghlun tlangval PC Lalruatsanga'n goal 17 khungin top scorer a ni.

Golazo FC-ah hian Mizo pathum Lalbiakzuala, Malsawmtluanga Pautu leh PC Lalruatsanga ten bul an ṭan a, Dinthar tlangval BZ-a'n goal hmahruai khungin PC-a'n goal hnih dang a khung belh. Bench-ah John F. Malsawmtluanga a awm bawk.

Corbett FC-ah Lalsangkima chu Mizo awmchhun a ni a, player pawimawh niin chak zo lo mah se best player-a thlan a ni hial. AIFF Futsal Club C'ship-ah hian Mizo team pahnih an tel a, quarterfinal-ah FC Thyristor-in Mizo club tho Electric Veng FC an hneh a, Ramhlun Venglai club Thyristor hi semifinal-ah Golazo FC lakah vanduai.

Chanmari pa Malsawma Renthlei (Asawma) chu AIFF Futsal Club C'ship-ah hian match commissioner a ni a, Leitan pa VL Rinpuia (Frank Rinpuia) chu match referee a ni bawk.