Premier League aiin Serie A a tactical zawk - Gervinho

Arsenal tana kum hnih chhung khel tawh Roma forward Gervinho chuan Premier League aiin Serie A chu vawi khat khelhna ve veah a khirhkhan zawk thu a sawi.

Ivory Coast attacker Gervinho chuan, "Italian football leh English football hi a danglam hlak a ni. Premier League aṭangin thil tam tak ka zir a, England-ah chuan game rang tak an khelh avangin team te zawk pawh khelh an har hle. Italy-ah chuan a dang daih, a tactical em em a, a kal hmang bik hriat loh chuan a harsa lehzual," tiin a sawi.

Kum 27-a upa Gervinho hian kum 2013 khan Arsenal aṭangin Roma a zawm a, season liam ta khan Serie A-ah Roma hi pahnihna nih puiin player pawimawh tak a ni. Gervinho chuan, "Italy-ah hian football bakah thil tam tak ka zir belh a, Rome hi nuam ka ti a, ka khelhpuite nen kan inkar a ṭha bawk," tiin a khelh meknaa a hlim thu a sawi.

Serie A club-te'n krismas leh kumthar chawlh an hmang ve a, zanin hian Lazio leh Sampdoria te'n Round 17 match hmasa ber an khel ang. Inkhel dang erawh January 6, Thawhlehni zanah khelh a ni tawh thung ang.