Bale-a'n Real nuam a ti

Transfer hun a inhawng a, thu thang mak tak tak belhchian dawn lo a tam leh ṭan ta. Manchester United leh Real Madrid forward Gareth Bale an sawi zawm a, a tak ram erawh a thleng dawn lo niin a lang.

Real Madrid pre­sident Florentino Perez chuan, "Gareth Bale chungchangah min dawr tum an awm a nih pawhin kan ngaihsak lo ang. Engzat pawhin rawn ngam se a chhuah kan remti lo," tiin a sawi.

Bale hian world record fee pound makta­duai 85.3-in Tottenham Hotspurs aṭangin Real Madrid hi a zawm a, season khatnaah UEFA Champions League a champion pui nghal a. A zawna Real Madrid vawi 22 chakna kawngah player pawimawh a ni bawk.

Kum 25-a upa Bale chuan, "Manchester United-ah ka kal dawn maw? Madrid khawpui leh boruak awm dan hi nuam ka ti a, ka club hmangaihah ka khel bawk. Ka contract hi kum 2019-ah a tawp dawn a, ka la ziah belh thei bawk. Madrid hi title tam zawk ka lak pui theih ngei ka beisei," tiin a sawi.