Boxing India an pawmpui ta

India sorkar hnuaia Sports ministry chuan Boxing India (BI) chu India ram chhunga box­ing thuneitu an ni tih a pawm­pui ta a, anni hi Inter­national Boxing Asso­ciation (AIBA) pawhin an pawmpui tawh an ni.

BI president Sandeep Jajodia chuan, "Ministry of Youth Affairs & Sports - Government of India-in Boxing India min pawm a, min ziak lut ta hi kan lawm khawp mai. Hei hian Boxing India kal zelna turah a pui dawn a, tih tihfel ngai dangte pawh tihfel zui a ni ang," an ti.

BI president chuan he pawl hian state 32-a boxing association-te puihna an hmuh thu a sawi a, January 8-ah nagpur-ah a vawi khatna atan an inhmukhawm ang. BI hi India rama boxing thuneitu lu an nih dawn tak avang hian Indian Boxing Federation chu tawp zui mai tur anga ngaih a ni.