Brazil-in Dunga an ban

Copa America
aṭanga hnawh-chhuah an nih hnu lawkah Brazil coach Dunga-a'n ban a hlauh loh thu sawi mah se Brazilian defender ṭhin hi nimin khan a hna aṭangin chawlhtir a ni.

Kum 1994 World Cup-a Brazil an champion ṭuma captain Dunga hian kum 2014 khan a vawi hnih nan an ram team hi a enkawl a, Pathiannia Peru 1-0 a an hneh loh kha kum 1987 hnua Copa America group stage aṭanga an tlakna hmasa ber niin a mualpho hle.

Dunga hian kum 2006-2010 chhung khan Brazil hi a lo en-kawl tawh a, 2007-ah Copa America nomawi chawipuiin 2009 FIFA Confederations Cup-ah a champion pui bawk. Kum 2010 World Cup-ah Dunga hian Brazil chu quarterfinal bak a hruai thleng thei lo a, a hna
aṭangin ban a ni.

Kum 52-a upa mana-ger hi 2014 World Cup-a Brazil an mualpho hnuin rawih nawn a ni a, 2018 World Cup mitthla chunga inruai ni mah se player a nih laia Brazil tana vawi 91 lo inlan tawh defensive midfielder hian kum hnih bak a tlin ta lo.

Dunga thlak tur hian Corin-thians manager Tite chu hming langsar ber a ni. Kum 55-a upa manager hian Corinthians hi ṭum hnih a enkawl chhungin Brazilian Serie A nomawi pahnih, South American Champions League nomawi pakhat leh World Club Cup nomawite a lo chawipui tawh a ni.

Brazil coach thar tana hna hmasa ber tur chu August thlaa Rio Olympic neih tura Brazil U23 team kaihhruai leh 2018 World Cup qualifying round khelhpui a ni ang. South American qualifying group-ah Brazil hi parukna ni mekin an dinhmun a ṭha lo hle.