Premier League Arsenal leh Liverpool Inhmachhawn nghal dawn

2016-17 season Pre-mier League fixture chu tihchhuah a ni ta a, opening match-ah Ar-senal leh Liverpool te chu Emirates Stadium-ah an inhmachhawn nghal dawn.

Season thar hi August 13 aṭanga ṭan tur a ni a, Pep Guardiola hnuaia Manchester City khelh dan tur leh Jose Mourinho hnuaia Manchester Uni-ted hmelhmang te chu mipui hriat châk a ni. Barcelona leh Real Ma-drid an enkawl lai
aṭanga inhal tawh Pep leh Mourinho te hi September 10 khian Old Trafford-ah an intawng ang.

Euro 2016-ah Antonio Conte hnuaiah Italy-in Belgium an hneh nghal a, result ṭha tak a ni. Italian manager hian Premier League match hmasa berah club hriatthiam har tak West Ham a hmachhawn nghal dawn a, Stamford Bridge-a khelh tur ni mah se Dimitri Payet khelhna club Hammers hi khelh an awlsam lo ang.

Champion lai Lei-cester City bul ṭan dan a awl-sam dawn a, kai thar Hull City hmachhawnin Premier League an ṭan ang.