DSK coach thar Dave Rogers

I League season hman zawh taka a mawngphah luahtu DSK Shivajians chuan season thar aṭanga an coach ni turin Dave Rogers an la lut. British manager hian Derrick Pereira hmun ruak a luah ang.

Dave Rogers hi Liver-pool International Foot-ball Academy - DSK Shi-vajians head coach nilai niin Mizoramah pawh players thli thlaiin a lo zin tawh ṭhin a, Mizo naupang zingah Lallianzuala Chhangte leh Jerry Mawihmingthanga te chu Academy lama a lo kaihhruai tawh player langsar an ni.

Liverpool khawchhuak Rogers hian England leh Ireland-ah te club hrang hrang 21 tan a khel tawh a, Irish club Shelbourne tan a khelh laiin league-ah nomawi pathum a chawi a, centre-back a khel ṭhin niin Champions League qualifying round-a Croatian champion Hajduk Split lama a volley goal chu Irish football chanchina goal khung ropui pawlah chhiar a la ni reng.