West Ham player thar Feghouli

Premier League club West Ham chuan Spanish La Liga club ṭha Valencia aṭangin winger Sofiane Feghouli chu kum thum chhung atan an la lut a, a man zat erawh tarlan a ni lo.

Algeria international Feghouli hian kum 2010 khan Juan Mata hmunruak luahkhat turin Valencia a pan a, Spain-ah kum ruk hun a hman chhungin a club tan hian match 243 a khelh
aṭangin goal 42 a khung.

Kum 26-a upa Feghouli hi 2012 Algerian Footballer of the Year atan pawh thlan a lo ni tawh a, an ram tan vawi 40 inlan tawhin major tournament ṭum thum a hmachhawn tawh.

Season hmasa Pre-mier League-a pasarihna Hammers hian season tharah hmasawn an tum a, Feghouli bak-ah hian German Bundes-liga club Borussia Monchengladbach midfielder Havard Nor-dtveit chu an lo lalut tawh bawk.

Club thar a neih vanga a lawmthu sawiin Feghouli chuan, "Footballer tan chuan Premier League khelh ngei hi duhthusam a ni a, Slaven Bilic-a enkawl West Ham tana ka khel thei tur hi ka lawm hle. He club sulhnu lo neih tawh leh an hmasawn tum dan hian min hip a ni," tiin a club tharah beiseina a nei sang hle.