Murray chak niah Wawrinka chak lo

World number 2 Andy Murray chuan kum-ina a grass court tournament hmasa ber chu Thawhlehni zan khan a khel ve chauh a, Aegon Championship-ah Nicolas Mahut hneh-in second round a inhlangkai. Nikum French Open champion Stan Wawrinka erawh a chak lo nghal thung.

Grand Slam tour-nament ngaihhlut Wim-bledon inbuatsaihna tour-nament-ah hian Britain number 1 Murray hi awlsam takin a chak mai bik lo. French tlang-val Mahut lakah hian set point vawi hnih ngawt a hmuh a chhawr ṭangkai zo lo a, 7-6 (10-8), 7-6 (7-1) in Murray a chak hram a, second round-ah chuan Aljaz Bedene a hmachhawn zui leh ang.

Inkhel dangah Fer-nando Verdasco chuan Swiss tlangval Wawrinka chu 6-2, 7-6 in a hneh thung. Spain tlangval Verdasco hi a khel ṭha hle a, set pahnihah hian Wawrinka service vawi hnih ve ve a chhuhsak thei a ni.