Season bul ṭan lo tur Zouma

Chelsea defender Kurt Zouma chuan a khup hliam vangin season thara Premier League game hmasa lam a khel ve thei dawn lo.

Kum 21-a upa Zouma hi la naupang deuh mah se tharum ngah leh fin avangin season hmasa khan Blues tana player pawimawh a ni hman a, February thlaa Manchester United nen an inhnehtawk ṭumin a khupah hliam a tuar a, Eoru 2016-ah pawh a inlan theih loh phah a ni.

France international Zouma chuan, "Nitin zing dar 10:00 aṭanga tlai dar 4:00 inkarah rim takin ka insawi zawi ṭhin a, ka hliam a dam hma theih nan theihtawp ka chhuah reng. Min enkawltu doctor chungah ka lawm a, hma pawh ka sawn chak hle. Mahse, ka hliam a nasat deuh avangin season thar tir lamah chuan ka la inkhel ve thei lo ang," tiin a sawi.

Season hmasaa Blues tan inelna hrang hranga match 31 kheltu Zouma chuan an manager thar Antonio Conte kahhruaina hnuaiah hma an sawn ngei a beisei thu a sawi tel bawk.