Ighalo-a'n Chelsea hmachhawn dawn?

Manchester United manager Ole Gunnar Solskjaer chuan Thawhṭanni zana Chelsea an hmachhawn hunah Nigerian forward Odion Ighalo chu squad-a awm tur thu a tichiang.

Kum 30 mi Ighalo hian January transfer khan Shanghai Shenhua aṭangin loan hmangin United hi a zawm a, Spain-a training camp an neih mekah erawh hruai tel a ni lo.

Solskjaer chuan, "Kan zinga khelh a châk takzet a, chumi tur chuan ṭan kan lak a ngai. Stamford Bridge kan tlawh hunah a zin ve dawn a, chutah chuan a dinhmun kan hre thei ang," tiina sawi.

Watford forward hlui hian kum 2017 khan Chinese Super League club Changchun Yatai a zawm a, season hnih a cham hnuah Shanghai Shenhua hi a zawm. Shanghai tan hian match 19 a khelh aṭangin goal 10 a khung.