Nainggolan-a'n Roma-a cham a tiam

Belgium midfielder Radja Nainggolan chuan season tharah an club tana khelh chhunzawm zel a tiam thu Roma coach Luciano Spalletti chuan a sawi chhuak.

Kum 28-a upa mid-fielder hi Chelsea nen sawi zawm mek a ni a, mah se Italian club hian an player pawimawh hi chhan duh loin hlawh tam zawk nen dawr an tum nia sawi a ni.

Spalletti hian a player pawimawh Miralem Pja-nic chu Juventus lakah a chan tawh a, Nainggolan lehzel chan erawh a duh lo niin a lang.

Italian manager chuan, "Nainggolan hi mahni thusawia ding nghet ṭhin a nih avangin kan hnenah a cham zel ka ring. He club tan hian hmachhawp ropui tak a neih avangin season tharah pawh kan club tan a khelh zel ka ring a ni," a ti.

Roma hi Zenit Saint Petersburg midfielder Axel Witsel nen sawi zawm mek an ni bawk a, mah se Spalletti chuan tlarhnung lam thuam ṭhat hmasak phawt a ngaih pawimawh thu a sawi.

Kum 57-a upa ma-nager chuan, "Kan tana pawimawh hmasa ber chu tlar hnung lam hi a ni. Right back-ah Alessandro Florenzi kan chhawr ṭhin a, ani hian tlan chhuah nuam a tih si avangin amah thlaktu tur hi kan zawn a ngai a ni," tiin season tharah Florenzi chu tlarhma lama chhawr a tum thu a sawi nghal.