Dortmund-ah player thar

Borussia Dortmund chuan transfer bazar-ah thawm an neih belh zel a, Signal Iduna Park-a season li chhung cham turin Lorient defender Raphael Guerreiro an la lut.

Kum 22-a upa defender hian Lorient tan season thum a khelh chhungin Ligue 1-ah match 102 tehmeuh a khel a, Barcelona leh Li-verpool nen pawha sawi zawm hlawh defen-der manah hian Dortmund chuan pound maktaduai 9.52 an seng.

Dortmund sporting director Michael Zorc chuan, "Raphael Guer-reiro hi player ball thiam tak a ni a, khawi position-ah pawh nuam ti taka khel thei a nih avangin Dortmund-a thlang hi kan lawm hle a ni," a ti.

Portugal left-back Guerreiro hi Euro 2016-a an ram squad-ah telin an match hmasa bera Iceland nen 1-1 a an inhnehtawk ṭum khan hun pumin a khel tluan a ni.

Dortmund hian trans-fer bazar-ah player eng-emaw zat an la lut tawh a, Barcelona aṭang--in defender Marc Bar-tra, Osasuna aṭangin midfielder Mikel Meri-no, Stade Rennais aṭang-in French rawlthar bei-seiawm Ousmane Dem-bele, Bayern Munich midfielder Sebastian Rode, Turkey rawlthar international Emre Mor-te chu an squad ti chhah turin an la lut der tawh.