Switzerland chhanhimtu Admir Mehmedi
Parc des Princes-ah Bog-dan Stancu penalty hmanga Ro-mania hmahruaina chu Ad-mir Mehmedi volley kawh ṭha
zet hmangin Switzerland-in an sut a, 1-1 in inkhel a tawp.
Switzerland-in point li an hmuh tak avangin last 16 lut turin an dinhmun a ṭha hle a, Romania erawh Albania nena an inkhel result-in an hmalam hun a hril ang.
Nilaini zan inkhelah hian Stephan Lichtsteiner-a'n a fimkhur tawk loh vangin Alexandru Chipciu lakah penalty a chawi a, France laka penalty khungtu Stancu-a'n minute 18-naah a pet goal chiang hle. Swiss lamin first half-ah goal khung theihna hun ṭha an ngah a, a bik takin Eintracht Frankfurt striker Haris Seferovic hlah chu a uiawm zual.
Romania lam tan Cristian Sapunaru-a'n goal ban a pet per avangin Switzerland lamin insiamṭhatna hun an nei a, minute 57-naah Mehmedi-a'n mawi zetin a volley lut. Parc des Princes-ah goal dang a luh belh lo a, chutihrualin Switzerland lam tana Granit Xhaka khelhdan sawi hmaih a thiang lo - Arsenal player thar hi khelmual chhunga player langsar ber ni nawnin a vawi hnih nan man of the match a thlan a ni.
Switzerland coach Vladi-mir Petkovic chuan, "Inelna thlengtu France hneh a group hma-hruaitu nih a châkawm a, amah-erawhchu eng ber nge kan tana ṭha ber a hriat loh. Pathumna pawh ni ila khingpui awlsam zawk a awm thei tlat," tiin last 16 lam a hawi ṭan der tawh.