Khawvelah messi a ṭha ber - Ortega

Argentina star hlui Ariel Ortega chuan Lionel Messi fakin, Barcelona star aia player ṭha khawvelah an awm loh thu a sawi chhuak.

Club inelna lamah Messi hi champion theihna zawng zawngah a champion kim tawh a, mimal chawimawina pawh a hui hnem tawh hle. Mahse, major tour-nament-ah an ram a la champion pui loh avangin mi tam takin Diego Maradona aia ṭha lo zawkah an ngai.

Panama leh River Plate tan pawha lo khel tawh Ortega chuan, "Ka ngaihdan chuan Messi hi ngaihtuah buai vak ngai loin khawvela ṭha ber a ni. Ani kahhruaina hnuaiah kan ramin hma an sawn em em a, player-te thawhrimna vangin FIFA ranking-ah pawh a sang ber kan ni hial. Copa-ah pawh an champion ngei ka beseiin ka duhsak," tiin a sawi.

Copa America Cen-tenario khelh mekah Argentina hi an khel ṭha tluang rih hle a, league round match thum an khelhah hnehna chang vekin quarterfinal an lut a, Pathianni zing dar 4:30 hian Venezuela nen an inhmachhawn ang. Khawvela player ṭha rual kawl khawm nual mah se Argentina hi major topurnament-ah kum 23 chhung zet an champion tawh lo a ni.