Radwanska a chak lo nghal

World number 3 Agnieszka Radwanska-i'n beisei angin grass court tournament bul a
an ṭha lo. Aegon Classic-a a match hmasa berah Coco Vandeweghe hneh loin a tla nghal.

Hmeichhe Tennis inelna Aegon Classic-ah hian seeded pakhatna Radwanska hi champion tura rikai niin tun hnaia vawi li a lo hneh tawh Vandeweghe lakah pawh hian awlsam taka chak mai tura rin a ni. Mahse, kar hmasa lawka Den Bosch title latu Rad-wanska hi 7-5, 4-6, 6-3 in a chak lo zawkah a ṭang.

Kum 27-a upa Rad-wanska hian tun hnai kum li chhungin Wim-bledon semifinal ṭum thum a lut thei a, Aegon Classic-ah hian chak lo mah se Grand Slam tournament an khelh hmabakah hian kuminah pawh hian beiseina a nei sang hle.

Inkhel dangah seeded parukna Carla Suarez Navarro chuan second round lut turin Elina Svitolina nen darkar hnih leh a chanve zet an inhmachhawn hnuah 7-5, 6-4, 7-5 in hnehna a chang ve bawk.

WTA raking-a a sang zual 10 zinga naupang ber kum 19-a upa Belinda Bencic erawh Irina-Camelia Begu laka 6-4, 4-3 a a hnufual mek laiin a malpui na vangin a inhnukdawk.