Federer a chak nuam sa

Tennis player-te champion chakna Grand Slam zinga an ngaihhlut bik ni bawk Wimbledon inbuatsaih nan grass court tournament an khel mek zel a, seeded pakhatna Roger Federer pawhin harsa lo takin Gerry Weber Open second round a inhlangkai.

Nilaini zan khan Grand Slam vawi 17 champion tawh Federer hian Jan-Lennard Struff lakah vawi 15 ngawt ace siam chungin 6-4, 7-6 in hnehna a chang. Swiss thiampuipa hi Gerry Weber Open-ah hian ṭum riat ngawt a lo champion tawh.

Kum 34-a upa Federer chuan, "Tennis-ah chuan kan sulhnu lo neih tawh ai chuan kan hmalam hun kan ngaih pawimawh a
ṭul a, hnehna ka lo chan tawhna te kha ka chhawm zel theih loh avangin nitinin ka inzir reng. A bul aṭangin ka ṭan leh mek a, ka service a ṭhat leh tawh avangin beiseina ka nei sang leh tawh," tiin a sawi.

First round inkhel dangah seeded pariatna Philipp Kohlschreiber chuan Marcel Granollers lakah 6-2, 7-6 in hnehna a chang a, Teymuraz Gabashvili-a'n 6-1, 6-4 in Paolo Lorenzi a hneh ve bawk.