Mumbai FC-in coach an ban
I League khelh zawh a ni a, Bengaluru FC leh DSK Shivajians ten an coach an ban hnuah Mumbai FC chuan season sarih chhung an team lo kaihruai tawhtu coach Khalid Jamil chu inhriatthiam tawnnain a hna aṭangin an chawlhtir ve leh ta.
Mumbai FC vice president Atul Badgamia chuan, "Khalid Jamil hi kan club tana a hnathawh ropui tak avangin fak a phu a ni. Kan hnenah player anga a rawn kal hnuin kan youth team a enkawl a, senior team min kaihhruai sak leh bawk. Player naupang zawk chherchhuah kawngah min pui nasa em em a, he club-ah hian kan coach ngaihsan leh kan mi ropui zinga mi a ni reng tawh ang. Club chhungkua chuan a hmalam hun zel turah duhsakna kan hlan a ni," a ti.
India international hlui Jamil hian kum 2009 khan Mumbai FC hi a enkawl
ṭan a, budget nei tlem tak nichungin I League club hlun pawlah a siam a, player uaithla tawh lam leh ama chherchhuah player naupang zawk kawi khawmin season sarih chhung Mumbai FC hi a kaihruai a ni.