Iceland defender-in Ronaldo a chhang let

European Champion-ship khel thei zinga ram te ber Iceland leh Cristiano Ronaldo te ram Portugal chu Euro 2016-a an match hmasa berah 1-1 in an inhnehtawk a, inkhelh banah Real Madrid star hian an khingpuite chu na takin a sawisel zui.

Portugal captain Ro-naldo chuan mipui 323,002 vel chauh awmna ram Iceland chu chak tum ngam lo leh anmahni goal ven bak ngaihtuah loah a puh bakah, "An khelh dan khan an rilru tet zia a tilang a, kan inhnehtawk khan Euro champion ang maiin an inngai," ti hiala sawiin a ṭawngkam a duh tui lo hle.

Iceland defender Kari Arnason chuan Ronaldo thusawi hi chhang letin, "Engatinge Barcelona ang maia ṭhaa khel tura min ngaih? Hnehna chan a duh tih chu kan hria, mahse chet fuh loh changa awm dan a thiam lo ṭhin tak te hi Lionel Messi a tluk lohna pakhat chu a ni," tiin a sawi.

Kum 33-a upa Arna-son chuan chuan sawi chhunzawmin, "Ronaldo hian awmze nei loa ball a tlanpui vak vak bakah a tlu der fo a, hun a khawhral ṭhin. Kan inkhelh ṭum khan kan veng bik lo a, a lakah rilru pawh kan seng bik hran lo," tiin Man-chester United player hlui thusawi a chhang let.