Spurs hmachhawn tur Plovdiv

Tottenham Hotspur chuan Europa League qualifying chu sesond round aṭangin an khel ṭan dawn a, Bulgarian club Lokomotiv Plovdiv nen an inhmachhawn ang.

Europa League qualifying match zawng zawng hi September 17-ah entu awm loin khelh tur a ni, inkhel vawi khata chak zawk an tlang nghal zel ang. Jose Mourinho nauten Premier League season ṭan hnu lawkah match dang an khelh a ngai dawn tihna a ni.

EPL aṭangin pangana Leicester City leh FA Cup champion Arsenal te chuan qualifying an khelh a ngai lo - European football inelna sang pahnihna hi group stage aṭangin an khel ṭan ang.

European champion vawi sarih ni tawh AC Milan pawhin qualifying hi second round aṭanga an khelh a ngai dawn. Italian club lian hi  Ireland club Shamrock nen an inhmachhawn dawn a ni.