PSG-in Lavezzi leh Cavani hrem

Paris St-Germain chuan Ezequiel Lavezzi leh Edinson Cavani te chu chawlh hnua training an zawm tlai avangin match hnih khel thei lo turin an hrem.

South American duo te hian Morocco-a training camp an nan hman loh avangin a hranpain kar khat chhung training an an nei ang a, pawisa an chawi bawk ang. Player pawimawh pahnih hian Thawhṭanni zana French Cup-a Montpellier an hmachhawn hunah leh January 10-a Bastia nen Ligue 1 an khelh hunah an inlan thei lo ang.

PSG boss Laurent Blanc chuan, "An chet theih dan hi pawm thiam theih leh hriatthiam theih a ni lo. Tum nei sang tak club tana i inziah luh a, club aia mahni thil i ngai pawimawh a nih chuan club dinhmun i tiderthawng a ni. Hetianga awm ṭha duh lo chungah hian zahngaihna ka lantir lo ang," tiin a sawi.