RGKA inelnaah Mizoram infiammite an che ṭha

Rajiv Gandhi Khel Abhiyan (RGKA) football,judo & weightlifting championships chu January 1-4, 2015 khan Bellary, Karnataka-ah neih a ni a, Mizoram an che ṭha.

Hmeichhe football-ah Mizoram football girls team-in final-ah Manipur 3-1 in an hneh a, an champion. Mipa team erawhin quarterfinal-ah Tripura penaltyshootout-ah an hneh lo.

Weighlifting hmei­chhiaah Lalrinmawii'n (53 kg) gold medal a la a, Lalduhsangi (48 kg) leh Lalthianglimi (69 kg) te'n silver medal an dawng bawk. Mipa lamah Lalzarmawia'n (77 Kg) gold medal a dawng a, Moses Lalnuntluanga (56 Kg) leh Gaurav Sunar (62 Kg) te'n silver medal an dawng bawk.

Judo hmeichhiaah ZD Lalnuntluangi'n (57 Kg) gold medal a dawng a, Zonunsangi'n (40 Kg) silver medal a dawng bawk. Mipa lamah Vanlalfaka'n (60 Kg)-ah bronze medal a dawng bawk.