Serie A ṭan hun September 19

Italian Football Federation chuan 2020-21 Serie A chu September 19 aṭanga khelh ṭan a nih tur thu an nemnghet. Ruahman lawk dan chuan nakkum May 23-ah league round hnuhnung ber khelh a ni ang.

Serie A season hmasa kha coronavirus vangin an buai hle, August 2 khan khel zo chauhin Juventus chuan a zawna a vawi kua nan nomawi an chawi. Season tharah chuan Juve, Inter Milan, Napoli leh Lazio ten nomawi an inchuh tura ngaih a ni.

League khelh ṭan hun tur hi siam ni mah se hri leng vangin buaina erawh la thleng thei reng a ni. Serie A pathumna Atalanta player zingah pawh mi pathum chuan hri an kai tih hmuhchhuah a ni a, natna leh harsatna erawh an nei lo thung.