January 16-ah MPL 4 Qualifiers

Mizoram Premier League season lina atana tel tur zawnna, MPL 4 Qualifiers chu January 16-ah Lammuala khelh tan turin MPL Board chuan a rel.

MPL Board lamin nikum khan District Football Association tin hnenah an district huam chhunga MPL Qualifiers a khel thei turte thehlut turinhriattirna a chhuah a, district tinin pahnih ṭheuh khel thei tur an tir thei. Club pali - Luangmual FC, Upper Republic FC (Aizawl DFA hnuai), Electric FC (Aizawl DFA hnuai) leh Zotlang FC (Lunglei DFA hnuai) in MPL Qualifiers hi an khel thei dawn niin a lang a; heng club-te hi an document-te enfel leh tur a la ni. Luangmual FC bik hi MPL2 final-a thil thleng vanga hrem an nih avangin District FA quota hnuaia mi ni loin MPL Qualifiers khel nghal thei tura tih an ni sa a ni.

Team pali hi an inkhelh kual vek hnuah a sang berin MPL 4 an khel ang a, pahnihnain MPL 3-a pasarihna Reitlang FC chu MPL Playoff an khelhpui ang a, MPL Playoff hi February chawlhkar hmasa berah khelh tura ruahman a ni.

MPL Qualifiers khelh dan tur
16-1-15; 02:00 Pm Zotlang FC, Lunglei VS Electric FC
17-1-15; 02:00 Pm Upper Republic FC VS Luangmual FC
23-1-15; 11:00 Am Electric FC VS Upper Republic FC
23-1-15; 02:00 Pm Luangmual FC VS Zotlang FC, Lunglei
28-1-15; 11:00 Am Zotlang FC, Lunglei VS Upper Republic FC
28-1-15; 02:00 Pm Electric FC VS Luangmual FC