AIFF technical director a lawm

All India Football Federation technical director Scott O’ Donell chuan France rama awm mek Indian footballer panga te tlawhin an hma-sawnnah a lawm.

AIFF chuan Ligue 2 club FC Metz-a training nei turin Mizo naupang Jerry Lalrinzuala bakah Anirudh Thapa, Prosenjit Chakraborty, Baoringdao Bodo leh Bedashwor Singh te chu a dah a, tunah hian kar nga bawr vel training an nei tawh. Australian pachal hian naupang leh an coach te bulah hun a hman bakah an training nei lai a thlir bawk.

AIFF technical direc-tor Scott O’ Donell chuan, "Player talent nei ṭha tak tak bula training an neih bakah an khelhpui avangin kan nauten hma an sawn tih ka hmu. Training session vawi li lai ka thlir a, kan naute hi a hnufual bik an ni lo. AIFF academy aṭang khan thil tam tak an lo zir tawh a, chuvangin France ramah pawh harsatna an nei lo," tiin a sawi.

India aṭanga football zir tura kal player panga hi FC Metz U-19 tan an khel a, Scott O’ Donell hian an hmasawnna thlir turin September thla khian a tlawh leh ang.