Nadal-a'n Olympic hmain dam hman beisei

Rafael Nadal chuan August thla a neih tur Rio Olympic hma ngeia a ban rek na a dam hman a beisei a, July thla a khelh tur Rogers Cup-ah pawh a inlan hman maithei.

Grand Slam vawi 14 champion tawh Nadal-a patea leh a coach ni bawk Toni Nadal chuan, "Rafa hliam a dam chho mek zel a, tunah chuan zawi zawin a che ve leh thei tawh. Tun aṭanga kar hnih hnuah chuan training a nei thei tawh tura beisei a ni a, hun rei lote chhungin court-ah a inlan leh thei dawn e," tiin a sawi.

Kum 30-a upa Nadal hi French Open khelh lai khan a ban rek vei lam a nat avangin a inhnukdawk a, kar hmasa khan Wimbledon a khelh theih loh tur thu a puang zui bawk. Kuminah match 28 hnehna chang tawhin vawi riat a chak lo tawh thung.