Bengaluru-ah Amrinder a nghet

I League champion Bengaluru FC chuan Pune FC aṭanga loan hmanga an lakluh Amrinder Singh chu la nghetin season thar atan contract an ziahpui a, Punjabi keeper rual hian midfielder Alwyn George-a contract chu kum khat atan pawhsei a ni bawk.

Kum 23-a upa Amrinder hian season ṭantirhah Mizo tlangval Lalthuammawia tluk pha loin starting eleven chang pha lo mah se season lai hawl a thlen chuan first choice keeper a ni tawh. Pune FC keeper hlui hian season liam ta khan I League-ah vawi 11 inlanin vawi 9 clean sheet a nei a, I League-ah best goalkeeper-a thlan a ni.

Amrinder chuan, "Benga-luru FC-a contract thar ka ziak thei hi ka lawm a, he club-ah hian hmasawnna tam tak ka hmu a ni. Season tharah result ṭha zawk kan neih ngei ka beisei," tiin a sawi.

Dempo SC aṭanga Blues zawmtu Alwyn George hi I League-ah vawi ruk chauh inlan mah se AFC Cup-a Ayeyawady United 2-0 a an hneh
ṭumin goal goal hnih a khung a, rinrawl a ni pha lo nachungin mamawh huna player ṭangkai a nih avangin contract an ziah pui hi a mak lo.