Moyes-a'n British lam a melh

Real Sociedad manager David Moyes chuan January transfer-ah British lama bazar a tum thu a sawi.

Manchester United manager hlui Moyes chuan, "Bazarna hmuna ka hriat chian ber chu British bazar a ni. Chutihrualin UK aṭang ringawtin player ka la lut dawn lo, Spain leh hmun hrang hrangah scout ṭha tak tak kan nei. January hi player leina hun ṭha tak chu a ni lo a, amaherawhchu player pahnih vel chu lak luh ka tum," tiin a sawi.

Moyes hian kum 16 chhung manager hna a thawk tawh a, Real Sociedad a enkawl hma hian Preston North End, Everton leh United a kaihruai tawh a. Sociedad hi La Liga match paruk khelh pui tawhin vawi hnih a chak pui a, vawi thum draw neiin vawi khat erawh a chak lo. A result neih zinga langsar ber chu Pathiannia Barcelona an hneh kha a ni.