Aguero a let hnai
Argentine forward Sergio Aguero chuan khup hliam vanga hun rei tak a chawlh hnuah training a zawm leh tawh a, Manchester City tlar hma ti chak turin an rawn let hnai.
Aguero hian December thla tira Everton 1-0 a an hneh ṭumin a bai chhuak a, Edin Dzeko leh Stevan Jovetic te an inhliam ve leh bawk avangin City hi tlar hmaah an buai hman hle. December 28-a Burnley an draw ṭumin Jovetic chu a rawn kir tawh a, amaherawhchu Aguero hi team mamawh chu a ni.
Aguero chuan, "Ka practice leh ṭan tawh tih hi in hriat ve ka duh a, amaherawhchu 100%-in ka la dam lo a, a hunah tak ka rawn kir ang," tiin a sawi.
Argentine forward hian tun season hian match 21-ah goal 19 a khung a, chung zingah chuan UEFA Champions League Round of 16 an luh theihna tura Bayern Munich lama a hattrick siam a tel.