Paris Saint Germain an chak

Chawlh hman rei vangin PSG manager Laurent Blanc chuan Edinson Cavani leh Ezequiel Lavezzi te a hrem a, an result a chhiat phah lo. Coupe de France-ah PSG hian Montpellier 3-0 in an hneh.

Thawhṭanni zana Altrad Stadium-a inkhelah hian Zlatan Ibrahimovic chuan Clement Chantome goal khung tur a siam sak hnuah PSG goal hnihna a khung a. Injury time-ah Brazilian midfielder Lucas Moura-a'n goal khat dang a khung belh leh bawk.

PSG hian Round of 32-ah 2013 French Cup champion Bordeaux an hmachhawn ang.

PSG boss Laurent Blanc chuan, "Field ṭha lo mah se result ṭha tak kan neih theih avangin ka lawm a. Tun hnaiah team chhungah buaina neuh neuh nei mah ila tuna kan result hian rah ṭha a thlen ngei ka ring," tiin a sawi.