Indian Arrows-in Neroca chelh

Nimin khan Khuman Lampak Main Stadium-ah table mawngphaha awm Indian Arrows an lenglut a, mualneitu Neroca nen goal awm loin an inhnehtawk.

Neroca hian an beisei angin chak zo lo mah se point khat an hmuh belh miau avangin point 12 hmuin Aizawl FC leh East Bengal chungah an invawrh chho. Nizan khan Aizawl FC leh Trau an inkhel a, hemi result a zir hian table a danglam leh thei ang. 

Arrows erawh Imphal-ah point an hlawh chhuak chungin table mawngphahah an awm. India rawlthar ṭha rual dah khawmnaah hian Mizo tlangval Lalbiakhlua Jongte chu goalkeeper a ni a, tun hi tun season-a vawi hnih a clean sheet-na a ni.