SYS fiahna tur Sihphir Venghlun

Vawiin tlai dar 3:30-ah SYS FC leh Sihphir Venghlun te LZ Juice MPL11-ah an inkhel dawn. Club thar pahnih inkhel tur a nih avangin team ṭha zawk pawh hriatthiam a la har.

SYS FC hi coach Lalmuankima hnuaia inzir an ni a, an kum chawhrual hi kum 18 vel lek a ni. Naupang ṭha rual awm khawm hi MPL-ah eng ang chiaha ṭha nge an nih tih chu Sihphir Venghlun hmaah fiahin a awm dawn.

Lunglei club SYS FC hian head coach atan Lalnunsangi (Manuni) an hmang a, MPL-a hmeichhe head coach hmasa ber a ni ang. Manuni chuan, "Kan player-te an naupang a, mah se kan naupan anga en chi chu kan ni lo ang. Inbuatsaihna kan nei ṭha," tiin Vanglaini a hrilh.

SYS FC tan captain F. Malsawmtluanga (left wing back), striker Lalruatsanga leh a ṭulna zira hman kual theih Mesak C. Lalrinngheta te an pawimawh ang. Coach MK-a chuan, "MPL hmachhawn urin kan inpeih a, player-te rilru put hmang a pawimawh dawn. Inelna hmachhawn kan chak tawh hle," tiin a sawi.

Lunglei club SYS FC ang thoin Sihphir Venghlunin MPL-ah tawnhriat an nei lo a, chutirhualin First Division-a khel ho deuh vek an nih avangin player-te an inhrechiang. LPS Cup-ah Sihphir Venghlun an champion a, tun ṭuma mi hi khami ṭuma player-te tho kha an ni.

Sihphir Venghlun coach Robert Laldinthara chuan, "SYS nen hian 2022-23 season khan MPL Qualifier-ah kan inkhel tawh a, kan inhnehtawk. An fitness ṭhatzia kan hria a, tun ṭumah pawh an fitness a ṭha dawn. Hnehna chang turin theihtawp kan chhuah ang," tiin Vanglaini a hrilh.