Australian Open-ah Tsonga a inlan dawn lo

November thlaa Davis Cup final-ah France-in Switzerland an hneh lo a, hemi ṭum hian French star Jo-Wilfried Tsonga a inhliam.

World ranking-a 12-na Tsonga kut dinglam na hi a la dam chian loh avangin season thar Grand Slam inelna hmasa berah hian a inlan thei dawn lo.

British star Andy Murray pawh a dinhmun a chiang bik lo. Great Britain aiawha Hopman Cup khela Perth a awm mek Murray hian a nghawng leh darah hliam a nei a, a khelh theih erawh a la inbeisei ve reng thung. Perth-ah hian match hnih a khel tawh a, Benoit Paire (France) leh Jerzy Janowicz (Poland) te a hneh tawh.

World no. 6 ni mek Murray chuan, "Ka darah hliam ka nei a, hei hian ka nghawng vel bawr a ti na tel bawk. A dam chho tial tial a, ka inkhelh vangin ka nat belh lo," tiin a sawi.

Australian Open hi January 9 a khelh ṭan tur a ni.