Bayern Munich player Shaqiri an inchuh

Arsenal leh Liver­pool-te nen pawh an lo sawi zawm tawh ṭhin, Bayern Munich player Xherdan Shaqiri chu Stoke City-in lei an tum a, Inter Milan pawhin lei tumin an beisei ve mek bawk.

Kum 23 mi Switzer­land inter­national player hian Bayern-ah khelhna a chang phak meuh lo a, talent a neih ṭhat avangin club tam takin an inchuh a, tunah hian Stoke leh Inter-in lei an tum ruh zual. Stoke manager Mark Hughes leh Inter manager Ronerto Mancini-te hi Manchester City boss hlui ve ve an ni a, anni pahnih hian he player ball thiam tak hi an inchuh mek.

Stoke City assistant Mark Bowen chuan Shaqiri lei an duh thu hi a zêp lo a, "Ani ang player hi kan chang thei a nih chuan a ropui viau ang. Club dangin lei an tum ve tih kan hria a, hei hian lei kan tumna hi min ṭhulhtir lo a, tunah hian Shaqiri lei tumtu zingah kan tel mek a ni," a ti.

Inter Milan boss Mancini chuan he player hi lei a duh thu a lo sawi ri tawh a, Lukas Podolski an lak luh ṭumin an player lei duh pakhat dang chu Shaqiri a nih thu hi a puang a ni.