Sneijder a hlim, a chhuak dawn lo - Gala chief

Dutch playmaker Wesley Sneijder chu Juventus nena sawi zawm a ni a, report ṭhenkhatah phei chuan lut chiang tur angin an tarlan hial.

Amaherawhchu Sneijder-a khelhna Galatasaray vice president Abdurrahim Albayrak chuan, "Sneijder hi kan player a ni a, helai hmunah hian a hlim. Season chanve dang kan hma bakah hian kan bulah a la awm ang. Kan player hi hralh kan phal lo a, lei an duh a nih chuan a release clause euro maktaduai 20 an ngam a ngai ang," tiin a sawi.

Juventus-in Dutch playmaker hi an duh tih a chiang a, manager Massimiliano Allegri pawhin he thu hi a sawi lang tawh. Tin, Dutch chanchinbu De Telegraaf-in a tarlan danin Sneijder-a agent pawhin Juventus lama Inter playmaker hlui a kal tur thu a sawi ve bawk.

Sneijder hi kum 30-a upa a ni tawh a, Galatasaray vice president tarlan ang khian Juventus hian euro maktaduai 20-a an ngam chuan Dutch playmaker hi an la lut thei ang.