Kum 2014 kha ka tan chuan hun ṭha a ni - Arjen Robben

Bayern Munich winger Arjen Robben chuan kum 2014 kha a career-a a kum hman ṭhat ber nia a rinthu a sawi.

Robben hian an ram Netherlands chu FIFA World Cup-ah pathumna a nih pui a, Dutch winger hian goal thum a khung bakah assist vawi thum neiin Netherlands player zingah a langsar ber.

Club lamah pawh Robben hi a che ṭha a, Bayern Munich chu Bundesliga leh German Cup-ah a champion pui a. League-ah hian goal 11 leh assist paruk a nei a; cup-ah goal li leh assist panga a nei bawk.

Champions League-ah Bayern Munich-in Real Madrid hneh loin semifinal an tla a, Robben hian goal li khungin assist paruk a nei.

Robben chuan, "World Cup chhiar tel kha chuan ka career-a ka kum hman ṭhat ber a ni hial ang. Ka tana 2014 hlutna em em chu inhliam lo a, ka hmang tluan thei kha a ni. Ka taksa dinhmun ka hrechiang a, level sang tak khel dan pawh ka thiam. Zing ka thawh hlimin thawhrim a ṭul zia ka ka hrechhuak ṭhin a, thawk ṭha peih lo tan lawmman a awm lo. Stadium-a fan-te nena hlim tlang tur chuan thawhrim a ṭul a ni," tiin hlawhtling tura thawhrim a tur thu a sawi.