Thomas Muller a uang mah mah - Dante

FIFA World Cup 2014 semifinal-ah a thlengtu Brazil an mualpho a, champion zui ta Germany lakah 7-1 in an tlawm.

Hemi ṭuma Brazil starting eleven chang pha Dante chuan Bayern Munich lama German player-te'n fiamthu thawh nana an hmang nasa lutuk chu a ngaih theih loh thu a sawi.

Bayern defender Dante chuan, "Kan chak lo kha fiamthu thawhna chi a nih loh thu ka hrilh hma kha chuan duh aiin German player-te an uang mah mah a ni. Kan chak loh dan hreawm zia kha an ngaihtuah thiam phak bak a nih thu ka hrilh a, fiamthu engpawh an thawh thei a, mah se kan chak loh hi chu fiamthu thawhna chi a nih loh thu ka hrilh," tiin a sawi.

Dante chuan uang paha uar taka sawi chhunzawmin, "Muller-a hnenah, 'Duh tawk tawh rawh, ka nuih a za ve lo. Kan tawrh chin a pelh chuan i ri bur mai ang,' tiin ka hrilh," a ti.

Brazilian defender Dante hian German player-ah rau rau pawh Muller hi a uang tam hret tih a sawi a, chutihrualin ṭhian an la nih chhunzawm zel thu erawh a sawi tel bawk.