Goalline technology hman duhtu Udinese

Thawhlehni zanah Roma-in Davide Astori goal hamgin Udinese an hneh a, he goal hian sawi zui a hlawh hle.

Italy league sang ber Serie A-ah hian Premier League leh Bundesliga angin goalline technology hman a la ni lo a, Udinese executive president Franco Soldati chuan hman a ṭul tawh thu a sawi chhuak.

Soldati chuan, "Friuli-a thil thleng khan minti hrilh hai hle a ni. Urby Emanuelson khan penalty hlawhchhuak ngei tur a nih laiin penalty min pe lo a, kan lama goal lut anga an chhiar kha a goal lo. Referee Guida thutlukna kha a dik lo a ni. Udinese hian tun hnaiah hetiang harsatna hi kan tawk ngun a, pumpelh dan zawn a hun tain ka hria. Goal leh goal lo chungchanga thutlukna dik kan hmuh theihna tur chuan goalline technology hi kan hman ṭan a hun tawh a ni," tiin a sawi.