Ka thiam loh a ni - Cerci

AC Milan player thar Alessio Cerci chuan Atletico Madrid tana a chet ṭhat loh chhanah coach Diego Simeone a sawisel duh lo a, amah thiam loh a nih thu a sawi.

Milan winger Cerci chuan, "Thil kal fuh loh chhan kha coach thiam loh a ni lo, player thiam loh a ni. Transfer hun tawp dawnah Spanish club kha ka zawm a, ka ṭhat theih dan berin ka awm lo. Theihtawp chhuahin ngaiawh ka tum a, amaherawhchu team-in kalphung mumal tak an neih avangin player dang luahlan kha ka harsat a ni," tiin a sawi.

Torino player hlui hian AC Milan aiin Inter Milan zawm a duh zawk tih thawm a, hemi chungchang hi sawiin Cerci chuan, "Milan hi chhan awm vanga zawm ka ni. Helai hmuna ka awm thei hi ka lawm a, sawi belh tur dang ka nei lo. Inter-ah pawh starting eleven chang turin inelna a nasa dawn a, club ṭhaah chuan inelna hi a nasa vek. Milan club pahnihin min duh ve ve hi ka lawm a, kan coach [Filippo Inzaghi] in min ring tawk a, field chhungah ka lawmzia lanchhuah tir ngei ka tum ang," tiin a sawi.