Mizoram Juniors Tennis Championship an zo ta

Mizoramah tennis-in zawi zawiin hma a sawn chho mek zel. January 7 aṭanga Aizawl Tennis Court-a khelh ṭan Mizoram Juniors Tennis Championship chu nimin khan khelh zawh a ni ta a, talent ṭha tak tak pholanin a awm.

Juniors Tennis Championship-ah hian district leh club hrang hrang aṭangin player 32 an tel. Mipa-ah under 12, 14 leh 18 te khelh a ni a, hmeichhiaah chuan under 14 leh 18 khelh a ni thung.

He championship-ah hian Lunglei District Tennis Association (LDTA) an che ṭha ber a, category pathumah an champion a, a dawttu Tuivamit Tennis Club leh Mamit District Tennis Association chu category pakhat-ah ve ve an champion a ni. LDTA hi mipa inelna pathum under 12, under 14 leh under 18 ah an champion vek a, hmeichhe in elna under 14 ah Mamit DTA leh under 18 ah Tuivamit TC an champion thung.