Basil A champion

All India Tennis Asso­ciation (AITA) buat­saih, National Men's Open Tennis-ah Basil L Khuma (17), a champion.

Nimina Haryana-a khelh zawh takah hian Basil L Khuma hi singles-ah mai ni loin doubles-ah pawh a partner nen an champion a ni.

He tournament hi Bhagat Hansraj Academy hmun Gohana, Haryana-ah khelh a ni a, Basil L Khuma hi qualifier niin, qualifying round-ah mi pali a hneh hnuah tournament hi a khel thei chauh a ni. Basil-a hian final thleng turin mi pali hnehin, final-ah Sunny Dahiya, Haryana 6-1, 6-1 a hnehin a champion.

Basil hian doubles-ah Mohit Bhardwaj, Delhi ṭanpuiin, final-ah Ayush Mintri, Chandigarh leh Abhishek Gaur, Delhi inkawp hnehin an cham­pion a ni. Basil-a hian January 29 hian trai­ning turin USA a pan leh ang.

IMG Academy Bolle­ttieri Tennis prog­­rame hnuaia inzir chhuak Basil L Khuma hi Indian tennis star zinga beiseiawm ber pawl a ni a, khawvela tennis zirna ṭha ber pawlah a zir chhuak a, tunah hian professional huangah a zuang lut ṭan dawn a ni.