Chelsea boss-in thubuai a nei

Chelsea manager Jose Mourinho chu tun hnaia a ṭawngkam mawi lo tak avangin Football Association chuan thu­­buai an siamsak a, January 13 thleng insawi­fiahna hun pek a ni.

Mourinho hian tun hnai inkhel hrang hrangah match official a sawisel nasa hle a, Southampton an draw ṭuma Cesc Fabregas-a penalty an pe lo chu match official bakah an khingpui manager-te leh commentator-te thlengin Chelsea bei turin an inthurual niin a puh.

Tottenham Hotspur an hneh loh ṭumin penalty an hmuh loh avang bawkin a âng chhuak a; hei bakah hian December 22-a Stoke City an hneh ṭuma referee chung­changa a thusawi avangin FA hian a hranpain war­ning an pe tel bawk a ni.