United-in Hummels an lei thei ang em?

An dilna hnawl a nih hnuah Manchester United chuan Borussia Dortmund defender Mats Hummels lei tumin an dawr nawn leh dawn a, January-a lakluh an tum ang a, an thei lo a nih chuan season tawpah lakluh an tum zel ang.

British media report hi a dik a nih ngai chuan kum 26 mi defender hi Dortmund hian an hralh phal lo zet a, tunah chuan season thara Champions League an beisei tawh loh avangin hralh mai an rem ti tawh. An hralh dawn a nih chuan a man a to lai taka hralh an duh a, chu chu tun January emaw season tawp emaw a nih rin a ni.

United hian pound maktaduai 35 kengin Dortmund hi an dawr leh dawn a, Bundesliga-a a hniam ber dawttu hian tun season-ah an chet chhiat avangin an player ṭha hralh hi an ui a, a pawisa lam a tam tham erawh chuan an ṭang zoin an ring lo.

Hetihlai hian Hummels-a pa chuan January-a a fapa chhuak mai tur ang thuthang chu, "Thu belhchian dawl lo mai a ni," a ti a, amah Hummels leh a club Dortmund lam pawhin eng thu mah an la sawi lo.