Doha-ah Novak Djokivic a tla

Doha khawpuia khelh mek Qatar Open quarter final-ah champion tura rinkai ber Novak Djokovic a tla.

Djokovic hian Ivo Karlovic a hneh lo a, Croatian player hi 6-7 (2-7) 7-6 (8-6) 6-4 in a chak. Kum 35 mi Karlovic hi a service a nat avangin Djokovic hian a la hleithei lo a, ṭum 21 zet a ace a ni.

Karlovic hian semi final-ah Spanish player David Ferrera a tum dawn a, Ferrera hian German player Dustin Brown chu awlsam takin 6-2 6-2 in a hneh.

Hetihlai hian semi final dangah Tomas Berdych leh Andreas Seppi-te an inbitum ve thung ang.

Karlovic chuan, "Thli a nat avangin ka buai lo a, ka khelh dan pangngaiin ka khel a, thil danglam vak ka ti lo. Ṭha takin ka khel a, ka inkhel tidanglam loin ka khel tluan thei bawk a ni," tiin a sawi.

Karlovic hian kum 2008 khan Djokovic hi a lo hneh tawh a, he mi hnua an intawn leh hmasak chu tuna an inkhel hi a ni a, Djokovic hi a chak lo zawkah a ṭang leh ta a ni.

Djokovic chuan, "A service a ṭhat avangin khelh a harsa khawp mai. Kan inkhelh hma khan ka chance a chhia tih hi ka hria a, thli a thaw bawk nen a service kha ka la hleithei lo a ni ber mai," a ti.