Gerrard-a hmun a ruak dawn - Rodgers

Liverpool manager Brendan Rodgers chuan an captain Steven Gerrard-a'n LA Galaxy a pan dawn tak avangin Liverpool team-ah hmun ruak a awm reng tawh dawn niin a sawi.

Kum 34 mi Gerrard hi season tharah Liverpool-ah a khelh tam tawh loh tur thu manager-in a hrilh avang leh, tun season ṭan dawna contract pawtsei tura an dawr loh avangin a chhuak dawn niin a insawi. Rodgers chuan, "Steven hi tunah pawh top class player a la ni a, ani awm lo tur hi chu a ruak huai dawn a ni," a ti.

Hetihlai hian Liverpool boss chuan, "Gerrard a chhuah hnuah hmalam panin kan kal zel tur a ni a, khawvela player ṭhate lakluh kan tum ang. Tun hma pawhin player

ṭha hi an lutin an chhuak ṭhin a, tun hi player leh club tan pawh hun ṭha inhawng a ni ve thei," tiin a sawi.