FIFA No 1 Germany

Football-ah 'ranking' a teh theih loh tia sawi ṭhin ni mah se, FIFA ranking chu hun rei tak kalpui a ni ta a, kum 2015-a ranking chhuak hmasa berah World Cup champion Germany chu pakhatna an ni.

1992 aṭang khan FIFA ranking hi an siam ṭan a, a tirah sawisel kai deuh mah se tunah chuan an pawm tlang tawh hle. FIFA ranking-a No. 1 ni thei ram hi pasarih chiah an la awm a, chungte chu Argentina, Brazil, France, Germany, Italy, Netherlands leh Spain-te an ni a, Brazil hi No. 1 ni rei ber an ni.

FIFA national team ranking hi Ningani khan tihchhuah a ni a, Sep-tember, 2014 hnua an tihchhuah hmasak berah hian a chung pathum an danglam lo. Germany-in hma an hruai a, pahnihna chu World Cup final-a chak ta lo zawk Argentina an ni a, Colombia chu pathumna an ni.

Belgium chu palina an ni teh daih a, hei hi tun hnaia n result ṭhat vang a ni a, football ram lian tam tak chungah an awm daih. Netherlands chu pangana an ni phak a, World Cup thlengtu Brazil chu Dunga hnuaiah insiam ṭhain parukna niin bul an ṭan thei. Euro 2016 thlengtu tur France chu pasarihna niin Portugal nen an point hmuh zat a inang chiah.

Pakuana chu Spain an ni a, anni hi hun rei tak FIFA ranking-a hmahruai ṭhintu an ni a, World Cup hnuah an tawlh hniam a; 10-na chu Uruguay an ni. Hetihlai hian India chu 171-na a ni mek.